Nuup Saava Nuannarisarput

Nuup Saavata eqqaani sumiiffik, aamma Nuutoqqamik taaneqartartoq, oqaluttuarisaanitta ilarujussuanik imaqarpoq, Nuummi takornarianit suli amerliartortunit ornittagaalluni najugaqartuniillu amerlasuunit ullut tamaasa atorneqartarluni. Sumiiffiuvoq uummaarissoq ukiullu ingerlanerani pisussanik amerlasuunik najoqqutissiisartoq. "Nuup Saava nuannarisarput" sumiiffiuvoq innuttaasut tamarmik atorluarsinnaasassaat.

Kommuneqarfik Sermersuup Nuup Saava illoqarfimmi innuttaasunut qanoq isumaqarnersoq paasisaqarfiginererusuppaa. Kommuneqarfik Sermersuup ilutigalugu inuit amerlanerusut sumiiffimmik atuilluarsinnaaniassammata Nuullu Saavata suussusaa oqaluttuassartaalu illersorsinnaaniassagatsigit Nuup Saava qanoq pitsanngorsarneqarlunilu ineriartortinneqarsinnaanersoq paaserusuppaa. Sumiiffik immaqa biilerfiujunnaavitsinneqassava? Orsiiviullu nuunnguani inissami soqanngitsumi susoqassava?

Quppernermi uani kommunip ingerlatsinera malinnaavigisinnaavat paasissutissanillu qanoq katersisarnersugut annerusumik atuarsinnaallugu. Ilutigalugu oqallinnermi nammineq peqataanissannut kiisalu "Nuup Saava nuannarisarput" ineriartortinneqarnissaanut kissaatitit isummatillu pillugit kommunimut ilisimatitsinissannut periarfissaqarputit!

Suliamik ingerlatsinissat

Nikeriarfinnut takussutissaq

Nikeriarfik 1: Innuttaasunik sumiiffimmi najugaqartunik tusarniaaneq

Innuttaasunik sumiiffimmi najugaqartunik tusarniaaneq

Nikeriarfik 2: Meeqqanik inuusuttunillu workshoppertitsineq kiisalu Nuup Saavanik atuisunik immersugassanik apersuinikkut misissuineq

Meeqqanik inuusuttunillu workshoppertitsineq kiisalu Nuup Saavanik atuisunik immersugassanik apersuinikkut misissuineq

Nikeriarfik 3: Politikkikkut oqallinneq

Politikkikkut oqallinneq

Nikeriarfik 4: Innuttaasunik tamanik workshoppertitsineq

Innuttaasunik tamanik workshoppertitsineq

Nikeriarfik 5: ”Nuup Saava Nuannarisarput” pillugu eqimattanik ukkatarinnilluni apersuinermut peqataajartorit

”Nuup Saava Nuannarisarput” pillugu eqimattanik ukkatarinnilluni apersuinermut peqataajartorit

Nikeriarfik 6: Innuttaasunik peqataatitsinermit inernerit

Innuttaasunik peqataatitsinermit inernerit

16. juni 2023 - No end date

Nuup Saavata siunissaa pillugu innuttaasunik peqataatitsinermik ingerlatsineq naammassineqartoq siunnersuutinik suliniutinillu pitsaasunik arlalinnik tunngavissiivoq, illoqarfiup immikkoortuanik tassannga ineriartortitsinermik sulianik ilusilersueqataasussanik.

Nuup Saava tassaavoq Nuup ilisarnaataa pingaarneq aamma najukkami innuttaasunit takornarianiillu ornigarneqarluaannarani Nuummut taamatullu Kalaallit Nunaata sinneranut oqaluttuarisaanermi annertuumik pingaaruteqartoq. Nuup oqaluttuassartaa takisooq Nuup Saavata nalaani aallartiffeqarpoq, tamaani ipput illoqarfimmik tunngaviliisup Hans Egedep illua 1728-meersoq, Nunatta Katersugaasivia aamma Annaassisitta Oqaluffia 1849-mit oqaluffissaarsuartut atuuffeqartoq. Taamaattumik illoqarfiup immikkoortua tamanna Kalaallit Nunaata, nunasiaataasimanermut aamma najukkami innuttaasunut pissusissamisoortumik atuuffeqarlunilu oqaluttuassartaqartoq. Ulloq manna tikillugu illoqarfiup immikkoortua pisunut soqutigineqartunut arlalinnut qitiusumik katersuuffiusarpoq – Taakkununnga ilanngullugu Inuiattut Ullorsiornermi.

Ukiuni kingullerni politikerinit kissaatigineqarpoq Nuup Saavata illoqarfimmi innuttaasunut qanoq isumaqarnera paasisaqarfigissallugu. Tassunga atasumik kommunimit aamma kissaatigineqarpoq, innuttaasut isumaannik paasisaqassalluni illoqarfiup immikkoortua najukkami innuttaasunut aamma takornarianut suli kajuminnarnerulersinnissaa siunertaralugu. Taamaattumik innuttaasunik peqataatitsinermik ingerlatsinermi siunertaasoq tassaasimavoq Nuup Saavata siunissami oqaluttuarisaanermut, kultureqarnermut aamma sukisaarsaartarfittut tunngasunik atuutsinneqarnera qulakkiissallugu.

Januaarip aallartinnerani 2023 Sanarfinermut Avatangiisinullu Ingerlatsivik innuttaasunik peqataatitsinermik angisuumik ingerlatsivoq, talittarfimmut taassumalu eqqaanut innuttaasut kissaataanik peqataatitsinermik siunertaqarluni tusarniaalluni. Ingerlatsineq maanna naammassivoq aamma qaammatit arfinillit sinnerlugit ingerlatsinermi apersuinerit, meeqqanut workshopsit, innuttaasunut workshopsit suleqatigiillu immikkut soqutigisallit peqataatinneqarnerannit isumassarsiat suliniutillu pitsaasut arlallit pilersinneqarmata.

“Nuup Saavata siunissaanik ingerlatsineq uagutsinnit pingaartinneqaqaaq, pissutigalugu illoqarfiup immikkoortua tamanna Nuummi innuttaasunut amerlasuunut annertuumik isumaqarmat. Taamaattumik uagutsinnut pissusissamisoorpoq innuttaasunut saaffiginnilluta tassunga kissaataat isummiussaallu tusaaniarpavut. Qujanartumik siunnersuutinik pitsassuarnik pissarsiaqarpugut uagut kommunimi aamma minnerunngitsumik innuttaasunit tulluusimaarutigineqarsinnaasut,” Pilersaarusiornermut Oqartussaaffeqarfimmilu pisortaq, Runa Sværd oqarpoq.

Illoqarfiup immikkoortua pillugu ingerlatseqqinnissaq politikkikkut akuersissutigineqassaaq, aamma tassani innuttaasut ilanngussaat annertuumik naleqartinneqassapput. Siunnersuutit tamarmik Nuup Saavani takuneqarsinnaapput allagartarsuanngorlugit saqqummersinneqaramik. Ataani assini siunnersuutit aamma takusinnaavatit.