Nuup Saava Nuannarisarput
Nuup Saavata eqqaani sumiiffik, aamma Nuutoqqamik taaneqartartoq, oqaluttuarisaanitta ilarujussuanik imaqarpoq, Nuummi takornarianit suli amerliartortunit ornittagaalluni najugaqartuniillu amerlasuunit ullut tamaasa atorneqartarluni. Sumiiffiuvoq uummaarissoq ukiullu ingerlanerani pisussanik amerlasuunik najoqqutissiisartoq. "Nuup Saava nuannarisarput" sumiiffiuvoq innuttaasut tamarmik atorluarsinnaasassaat.
Kommuneqarfik Sermersuup Nuup Saava illoqarfimmi innuttaasunut qanoq isumaqarnersoq paasisaqarfiginererusuppaa. Kommuneqarfik Sermersuup ilutigalugu inuit amerlanerusut sumiiffimmik atuilluarsinnaaniassammata Nuullu Saavata suussusaa oqaluttuassartaalu illersorsinnaaniassagatsigit Nuup Saava qanoq pitsanngorsarneqarlunilu ineriartortinneqarsinnaanersoq paaserusuppaa. Sumiiffik immaqa biilerfiujunnaavitsinneqassava? Orsiiviullu nuunnguani inissami soqanngitsumi susoqassava?
Quppernermi uani kommunip ingerlatsinera malinnaavigisinnaavat paasissutissanillu qanoq katersisarnersugut annerusumik atuarsinnaallugu. Ilutigalugu oqallinnermi nammineq peqataanissannut kiisalu "Nuup Saava nuannarisarput" ineriartortinneqarnissaanut kissaatitit isummatillu pillugit kommunimut ilisimatitsinissannut periarfissaqarputit!
Suliamik ingerlatsinissat
”Nuup Saava Nuannarisarput” pillugu eqimattanik ukkatarinnilluni apersuinermut peqataajartorit
Nuup Saava illoqarfimmut qanoq iluaqutaajuarsinnaava?
”Nuup Saava Nuannarisarput” pillugu eqimattanik ukkatarinnilluni apersuinermut peqataajartorit.
Kommuneqarfik Sermersuup matumuuna Nuup Saava (aamma Nuutoqqamik taaneqartartoq) pillugu innuttaasunik akuutitsinerup annertuup naggataatungaanut qaaqquaatit. 2023-mi januaarimiilli innuttaasut akuutinneqalerput, tamatumanilu apeqqutinik akisisitsisoqarpoq, meeqqanik marloriarluni workshopertitsisoqarpoq, Kommunalbestyrelse ullormi ataatsimi sammisassaqartinneqarpoq ammasumillu innuttaasunik workshopertitsisoqarluni. Qujanarujussuaq piumassuseqarluarlusi isumassarsisilluaratsigut! Ilassuteqaatit isumassarsiallu pitsaasut uagutsinnut anngunneqartut amerlasuut innuttaasut soqutiginnittut peqatigalugit eqqartorusuppavut.
Tassunga atatillugu eqimattat ukkataralugit apersussavavut, tamatumanilu sumiiffiup ineriartortinneqarnera pillugu isumaliutersoqataasinnaallutillu siunnersuuteqarsinnaavutit.
Eqimattanik ukkatarinnilluni apersuisoqassaaq juunip 14-ianni nal. 15.00-16.00
Amerlavallaanngitsut apersorneqarsinnaammata peqataajumasut nalunaartariaqarput:
Uunga nalunaartoqassaaq: emil@inuva.gl
Upcoming and ongoing events
Past events
Event date: maj 21., 2023 from 14:00 to 17:30.
Nuuk Lokalmuseum
Event date: februar 26., 2023 from 13:00 to 16:00.
Nuuk Lokalmuseum