Nuup Saava Nuannarisarput
Nuup Saavata eqqaani sumiiffik, aamma Nuutoqqamik taaneqartartoq, oqaluttuarisaanitta ilarujussuanik imaqarpoq, Nuummi takornarianit suli amerliartortunit ornittagaalluni najugaqartuniillu amerlasuunit ullut tamaasa atorneqartarluni. Sumiiffiuvoq uummaarissoq ukiullu ingerlanerani pisussanik amerlasuunik najoqqutissiisartoq. "Nuup Saava nuannarisarput" sumiiffiuvoq innuttaasut tamarmik atorluarsinnaasassaat.
Kommuneqarfik Sermersuup Nuup Saava illoqarfimmi innuttaasunut qanoq isumaqarnersoq paasisaqarfiginererusuppaa. Kommuneqarfik Sermersuup ilutigalugu inuit amerlanerusut sumiiffimmik atuilluarsinnaaniassammata Nuullu Saavata suussusaa oqaluttuassartaalu illersorsinnaaniassagatsigit Nuup Saava qanoq pitsanngorsarneqarlunilu ineriartortinneqarsinnaanersoq paaserusuppaa. Sumiiffik immaqa biilerfiujunnaavitsinneqassava? Orsiiviullu nuunnguani inissami soqanngitsumi susoqassava?
Quppernermi uani kommunip ingerlatsinera malinnaavigisinnaavat paasissutissanillu qanoq katersisarnersugut annerusumik atuarsinnaallugu. Ilutigalugu oqallinnermi nammineq peqataanissannut kiisalu "Nuup Saava nuannarisarput" ineriartortinneqarnissaanut kissaatitit isummatillu pillugit kommunimut ilisimatitsinissannut periarfissaqarputit!
Suliamik ingerlatsinissat
Meeqqanik inuusuttunillu workshoppertitsineq kiisalu Nuup Saavanik atuisunik immersugassanik apersuinikkut misissuineq
Kommuneqarfik Sermersooq innuttaasut Nuup Saavanik qanoq atuisarnerinik assut annertunerusumik paasisaqarnerorusuppoq.
Kommunip taamaattumik kikkut tamaasa immersugassanik apersuinermik, matuma ataani nanineqarsinnaasumik immersuinissaannik tikilluaqquai.
Apersuiffissami apeqqutit arfineq pingasut akineqartussaapput, taakkulu minutsit tallimat-qulit missaat atorlugit immersorneqarsinnaapput. Neriuppugut peqataajumassasusi - amerlanerit peqataappata, paasissutissanik amerlanernik pissarsissaagut.
Taamatuttaaq meeqqanik inuusuttunillu workshoppertitsinerit marluk ingerlanneqassapput:
Workshop 1: Maria Motzfeldt peqatigalugu Eqqumiitsuliornermillu Ilinniarfimmi atuartut suleqatigalugit 6. klassimi atuartunik Nuup Saavata siunissaa pillugu workshoppertitsineq.
Workshop 2: Nuummi Katersugaasivimmi meeqqanik inuusuttunillu taakkulu angajoqqaavinik ammasumik workshoppertitsineq. Maria Motzfeldt nutaaliortumik periuseqassaaq takorluukkanullu sannavimmik pilersitsissalluni. Workshoppertitsineq sapaammi februaarip 26-ani nal. 13-16 pissaaq. Pisussami - "Nuup Saava nuannarisarput" - Meeqqanut inuusuttunullu takorluukkanut sannavik - takusaqarnerugit. Pisussaq qallinerugutsigu pilersaarut tamanut saqqummiunneqassaaq.
Apeqqutit akikkit
Upcoming and ongoing events
Past events
Event date: maj 21., 2023 from 14:00 to 17:30.
Nuuk Lokalmuseum
Event date: februar 26., 2023 from 13:00 to 16:00.
Nuuk Lokalmuseum