Nuup Saava Nuannarisarput
Nuup Saavata eqqaani sumiiffik, aamma Nuutoqqamik taaneqartartoq, oqaluttuarisaanitta ilarujussuanik imaqarpoq, Nuummi takornarianit suli amerliartortunit ornittagaalluni najugaqartuniillu amerlasuunit ullut tamaasa atorneqartarluni. Sumiiffiuvoq uummaarissoq ukiullu ingerlanerani pisussanik amerlasuunik najoqqutissiisartoq. "Nuup Saava nuannarisarput" sumiiffiuvoq innuttaasut tamarmik atorluarsinnaasassaat.
Kommuneqarfik Sermersuup Nuup Saava illoqarfimmi innuttaasunut qanoq isumaqarnersoq paasisaqarfiginererusuppaa. Kommuneqarfik Sermersuup ilutigalugu inuit amerlanerusut sumiiffimmik atuilluarsinnaaniassammata Nuullu Saavata suussusaa oqaluttuassartaalu illersorsinnaaniassagatsigit Nuup Saava qanoq pitsanngorsarneqarlunilu ineriartortinneqarsinnaanersoq paaserusuppaa. Sumiiffik immaqa biilerfiujunnaavitsinneqassava? Orsiiviullu nuunnguani inissami soqanngitsumi susoqassava?
Quppernermi uani kommunip ingerlatsinera malinnaavigisinnaavat paasissutissanillu qanoq katersisarnersugut annerusumik atuarsinnaallugu. Ilutigalugu oqallinnermi nammineq peqataanissannut kiisalu "Nuup Saava nuannarisarput" ineriartortinneqarnissaanut kissaatitit isummatillu pillugit kommunimut ilisimatitsinissannut periarfissaqarputit!
Suliamik ingerlatsinissat
Innuttaasunik sumiiffimmi najugaqartunik tusarniaaneq
Innuttaasut sumiiffimmi Nuup Saavata eqqaani najugallit imaluunniit suliffeqarfiutillit sumiiffinni allannguutinit annertuumik sunnerneqartussaassapput. Taamaattumik oqaaseqartinneqarnissaat pingaaruteqarpoq.
Immikkoortumi uani Nuup Saavani suliffeqarfinnut najugaqartunullu sumiiffimmi suliffeqarfiuteqarnikkut najugaqarnikkullu misilittagaannik kiisalu "Nuup Saava nuannarisarput" siunissami ineriartortinneqarnissaanut isummersuutaannik tusarusulluta ataasiakkaaraluni apersuinikkut saaffiginnippugut.
Upcoming and ongoing events
Past events
Event date: maj 21., 2023 from 14:00 to 17:30.
Nuuk Lokalmuseum
Event date: februar 26., 2023 from 13:00 to 16:00.
Nuuk Lokalmuseum