Nuup ilisarnaataa
Suliamik ingerlatsinissat
Apeqqutit aamma akissutit
Suliassamut apeqqutit allakkatigut naatsumik kalaallisut qallunaatullu apeqqutigineqassapput. Apeqqutit unammisitsinermi allatsimut Sefa Nur Tamer (sent@sermersooq.gl)-mut nassiunneqassapput, apeqqutit akissutillu kinaassutsimik isertortumik Kommuneqarfigamut ikkussorneqaqattaassapput.
Apeqqut 1
Plakatini (A3-t) arkitektip aqqa allassimasinnaava imaluunniit kinaassusertaqanngivissumik allassimassappat?
Akissut: Ilanngussaq ilanngunneqartoq ”Atermut allagartaq” immersulaarisiuk. Saqqaqarpat ateq allassinnaavarsi, ajornanngippalli siunnersuummut ilanngunnagu.
Apeqqut 2
Allakkaangassi quppernerit tallimat, saqqaa tunuliaqutaalu ilanngullugit taava quppernerit qulit katillugit pineqarpat?
Akissut: Tassa katillugit amerlanerpaamik quppernerit tallimat.
Apeqqut 3
Ilisarititsinermi asseq tassaassava pilersaarummut linki imaluunniit asseq kisimi kikkunnit tamanit takuneqarsinnaassava?
Akissut: Pilersaarut linkilerneqassanngilaq. Kikkunnit tamanit asseq, eqqumiitsuliap taaguutaa aamma nassuiaat nassiunneqartoq (qanoq siunnersuutip Kalaallit Nunaata kulturiannik takutitsisuunersoq aamma Nuup Kalaallit Nunaanni illoqarfittut pingaarnersaasoq qanoq takutinneqarnera pillugu nassuiaat) taamaallaat takuneqarsinnaassapput.
Apeqqut 4
Toqqaanissamut naliliisussat nalilersuinerannut atatillugu kikkut tamarmik taasinerat qanoq pingaartinneqartigissava?
Akissut: Toqqaanissamut nalilersuisussat unammisitsinermi piumasaqaatit tunngavigalugit siunnersuutinik nalilersuissapput, taakkulu kisiisa tamat taasisinneqarnerannut ingerlateqqinneqartussaapput. Inaarutaasumik taasineq tamat taasineranni pissaaq, tassa taaneqarnerpaap siunnersuutaa ajugaatinneqassaaq.
Apeqqut 5
Erseqqissaaneq; Taava kikkut tamarmik asseq ataaseq + oqaaseqaat ataaseq (Nassuiaat) takusinnaassavaat? Imaluunniit oqaaseqaat assip ataaniissava?
Akissut: Taasineq Kommuneqarfiga-mi ingerlanneqassaaq. “Nassuiaat”-imut allaffissaqarpoq, tassani assip ataani oqaaseqaat allanneqassaaq.
Apeqqut 6
Nassuiaat word-itut ikkunneqassava imaluunniit pilersaarummiit oqaaseqaat assilissavisiuk?
Akissut: Immikkut word-ikkut allatamik ikkussisoqassanngilaq. Allataq pilersaarummit assilineqassaaq.
Senest opdateret 27. oktober 2025.