Quassussuup eqqaani immikkoortumi sukisaarsaartarfissamik inerisaaneq
Pilersaarummi sisorartarfiup eqqaanik ingerlataqartut innuttaasullu suleqatigalugit ineriartortitsinissaq siunertaavoq. Immikkoortoq majuartarfiup eqqaaniittoq nutaamik illoqarfiup ilaatut pilersaarusiorneqassaaq, sumiiffiup ineriartortinnissaa angujumallugu aamma najukkami ataqatigiissarnissaa qulakkeerumallugu.
Taamaammat Kommuneqarfik Sermersooq immikkoortumi ingerlataqartunut workshoppertitsissaaq taassumalu kingorna immikkoortumi innuttaasunut sammisumik apersuinermik immersuisitsisoqassalluni, tassami paaserusupparput: Naleqartinneqartut suut qulakkeerneqassappat aamma immikkoortumi suna pitsaanerulersinneqarsinnaava?
Suliamik ingerlatsinissat
Immikkoortumi ingerlatalinnik peqataatitsineq
Peqatigiiffiit, kattuffiit suliffeqarfiillu 4D2 – Immikkoortoq sukisaarsaartarfittut atugassaq, Quassussuaq, Nuuk pillugu attuumassutillit attuumassuteqarusuttulluunniit taassuminnga ineriartortitsinissamut workshoppertoqarnissaanut qaaqquagut, tassani illoqarfimmut pilersaarummut immikkoortumi tamaani maanna siunissamilu suliniutiginiakkanut ikorfartuutaasussat ukkatarineqassapput.