Timersornermut, Timigissarnermut aamma Sunngiffimmut tapiissuteqartarneq pillugit malittarisassat

Timersornermut, Timigissarnermut aamma Sunngiffimmut tapiissuteqartarnermut malittarisassat nutaat suliarineqarnerinut atatillugu tusarusupparput qanoq isumaqarnersi taamaalilluni suliarineqarnerani ilissi isumaliutigisasi ilanngunneqassammata.

Isumassarsiatit siunnersuutitillu saqqummiutikkit

Tapiissuteqartarnermut massakkut malittarisassat uaniittut https://sermersooq.gl/kl/innuttaasunut/sunngiffik/-tapiissutit-pillugit-malittarisassat imaluunniit ataatungaani kakkiunneqartumiittut tunngavigalugit maanna sunniuteqarnissannut periarfissaqalerputit. Pitsanngorsaatinik, isumassarsianik nutaanik imaluunniit maannamut malittarisassaasut pillugit isumaliuteqaruit, taava tassani saqqummiutikkit!

Imatut ingerlassaaq

Isumaliutitit, siunnersuutitit aamma isumassarsiatit tusarniaanermi akissutitut 15. marsi tungaanut saqqummiussinnaavatit. Tusarniaanermut akissutit tamarmik suliarineqassapput aamma tapiissuteqartarnermut malittarisassatut siunnersuutip suliarineqarneranut atatillugit eqqarsaatigineqassapput. Siunnersuut naammassineqarpat uani quppernermi saqqummiunneqassaaq, tamatumalu kingorna oqaaseqaqqinnissamut aamma tusarniaanerup aappaanut pitsanngorsaatissatut siunnersuuteqarnissamut periarfissaqassaaq.