Nuussuaq ataatsimoorutsigu
Nuussuaq ataatsimoorutsigu
-Immikkoortoq Nuussuaq qanoq ililluta piorsassavarput?
Nuussuaq ataatsimoorullugu suliniut Nuummi Najukkami Ataatsimiititaliap innuttaasunik peqataatitsinermut tunngatillugu aallartippaa.
Nuummi Najukkami Ataatsimiititaliap immikkoortortaq Nuussuaq pingaarnerutillugu suliaqarpoq, Nuussuup qeqqata najugaqarfigiuminarnerulernissaanut angallaffigiuminarnerulernissaanullu illit isumassarsiatit siunnersuutissatillu tusarusullugit.
Isumassarsiatit siunnersuutitillu avitseqatigiissutigikkit
Immikkoortoq tamassuma qanoq kusassarneqarsinnaanera pillugu immaqa illit isumassarsiaqarputit, immaqa sammisaqarfissanik suliaqarfissanilluunniit, immikkoortortamut pitsanngorsaataasussanik maqaasisaqarputit siunnersuutissaqarlutillu? Immaqaluunniit allarluinnarmik peqarputit?
Isumassarsiat illoqarfiup assinganut inissiguk, taavalu ’isumassarsiaq aallartiguk’ toorlugu.
Isumassarsiat naatsumik allaaseriuk nassuiaatigalugulu, Nuussuarmi immikkoortoq killiligaq qanoq ilillugu pitsanngorsarneqarsinnaanersoq. Eqqaamallugu pineqartup assilinera nassiutissagakku imaluunniit isumassarsiat titartassagakku, uagut misissorniassagatsigu!
Peqataaneq imatut ingerlasarpoq
Isumassarsiat pillugit ulloq una 20.09.2020 tikillugu avitseqatigiissutigisinnaavatit, oqaaseqarfigalugit taaseqataaffigalugillu. Tulliullugu Nuummi Najukkami Ataatsimiititaliap siunnersuutit nassiunneqartut suliarissavai,
Isumassarsianik siunnersuutinillu Kommuneqarfigami katersinerup saniatigut aamma immikkoortumut tassunga immikkuullarissumut soqutiginnittut oqaloqatigiinnertalimmik ataatsimeeqatigineqassapput, taavalu immikkoortumi tamaani najugallit meeqqat inuusuttullu assassugaannik saqqummiussitinneqassapput. Najukkami Ataatsimiititaliap siunnersuutit toqqarneqartut saqqummiutissavai, immikkoortumi najugallit meeqqat inuusuttullu assassukkaminnik suliaat pillugit ingerlariaqqinnissaq oqaluttuaralugu.
Immikkoortut
Isumassarsiatit avitseqatigikkit siunnersuullu piukkunnerpaasat taaguk
Nuummi Najukkami Ataatsimiititaliap immikkoortortaq Nuussuaq pingaarnerutillugu suliaqarpoq, Nuussuup qeqqata najugaqarfigiuminarnerulernissaanut angallaffigiuminarnerulernissaanullu illit isumassarsiatit siunnersuutissatillu tusarusullugit.
Isumassarsiaqarpit? Isumassarsiat illoqarfiup assinganut kapputiguk, illillu oqariartuutigisannut tunngasunik assimik peqaruit ilanngussigit.
Aamma isumassarsiani piukkunnerpaasat oqaaseqarfigisinnaavat taallugulu! Siunnersuutit amerlanerpaanit taaneqartut Najukkami Ataatsimiititaliami suliareqqinneqarnissaannut ingerlaqqissapput. Isumassarsiani toqqakkani siunnersuutini piukkunnerpaasat taaguk.