Nuummiut: Orpik ukioq manna sumut inissinneqassava?

Nuummi orpik sapaat ulloq 29. novembari 2020, ikinneqassaaq. Aaqqissuussineq siornatigut blok 5-ip eqqaani Arsiffimmi ingerlanneqartarpoq. Mannakkulli atuarfiliortoqarmat orpiup inissiivissaanik orpimillu ikitsivissamik allamik nassaartoqassaaq. Orpiup angisuup ukioq manna sumut inissinneqarnissaa pillugu aalajangeeqataanissamut maannakkut periarfissaqarputit.

Orpiup ikinneqarnissaanut inuppassui takkuttarput. Neriuppugut pissutsit atuuttut malillugit ukioq manna orpimmik ataatsimoorluta ikitseqqissinnaalluta. Orpiup sumut inissinneqarnissaanik isummat nunap assingani ilisarnaaseruk.

Isumassarsiat nunap assingani ataani ullloq 16. Aggustip tungaanut ilisarnaasersinnaavat. Sumut inissinneqarsinnaanera misissussavarput inaarutaasumillu inissiivissamik taasisitsilluta. Isumassarsiat saqqummiussinnaavat suliallu ingerlanneqarnera quppernermi uani malinnaavigisinnaallugu.