Nuuk 2035 – Ataatsimoorluta siunissarput
Nuuk alliartupallappoq, Kommuneqarfik Sermersuullu illoqarfiup innuttaasuminut tamanut pissarsiffiusussamik ineriartortinnissaanik kissaateqarpoq. Taamaammat 2035-p tungaanut tikkuussisussamik nutaamik periusissiorluni aallartippoq.
Illit isummannik ilanngussisinnanngorlutit peqataanissannut kajumissaarneqarputit, taamaalilluni periusissiornermi tunngavissaqarluarnissamik pilersitsisoqarsinaalissammat. Nuummi innuttaasumik ataatsimoortitsisumik peqataatsitsilluni kajumisitsillunilu illoqarfiup takorluugaaneranik ingerlarnissaanillu periusissamik pilersitsitsinissaq anguniarneqarpoq.
Quppernermi uani periusissiornermi suliaq malinnaavigisinnaavat. Tassani atuarsinnaavat qaqugu qanorlu suliamut taaassunga peqataatinneqarsinnaanerlutit. Maajip 7.-aniit juunip 3.-anut ilaatigut Nuuk suli najugaqarfigalugu pitsaanerunissaanut qanoq isumaqarnesutit immersuillutit misissuinermi peqataasinnaavutit
Suliamik ingerlatsinissat
Assilisanik unammisitsineq
Assilisanik unammisitsinermut peqataagit, taamaalillutit Nuuk Centerimi pisissutissamik 1.000 koruuninik nalilimmik, makitsinissamut peqataasinnaavutit.
Nuummi suna nuannernerpaava aamma siunissami suut amerlanerutinnissai kissaatigaagit? Kommuneqarfik Sermersuumit maannakkut illoqarfiit pingaarnersaat pillugu periusissiaq nutaaq suliarineqaleruttorpoq. Qulequtaa tassaavoq ”Nuuk 2035 – Ataatsimoorluta siunissarput”, tamannalu ilinnut qanoq isumaqarnersoq assut takorusupparput.
Peqataanissaq ima ajornanngitsigaaq:
- Facebookkimi Instagrammimiluunniit assimik ikkussigit, saqqummersitassallu suliarinerani #Nuuk2035 atorlugu
- Assi Facebookkimut Instagrammimulluunniit kingusinnerpaamik 9. juuni 2024-mi saqqummersinneqassaaq
- Unammisitsinermut peqataaniaruit Kalaallit Nunaanni najugaqartuussaatit
- Saqqummersitsinissamut killiliussap kinguninngua ulluni tulliuttuni assi ajugaasoq toqqarneqassaaq saqqummiunneqarlunilu. Saqqummersitsisoqannginnerani sapinngisamik ajugaasoq toqqaannartumik ilisimatinneqassaaq
- Ajugaasup assilisaa Nuuk 2025-2035 pillugu inaarutaasumik illoqarfiit pingaarnersaat pillugu periusissiap saqqummersinneqarneranut atatillugu Kommuneqarfik Sermersuumit atorneqassaaq
*Unammisitsineq una Facebookkimit Instagrammimillu aningaasaliiffigineqanngilaq, aningaasatigut tapersersorneqanngilaq, aqunneqanngilaq attuumassuteqaraniluunniit.
