Nuuk 2035 – Ataatsimoorluta siunissarput
Nuuk alliartupallappoq, Kommuneqarfik Sermersuullu illoqarfiup innuttaasuminut tamanut pissarsiffiusussamik ineriartortinnissaanik kissaateqarpoq. Taamaammat 2035-p tungaanut tikkuussisussamik nutaamik periusissiorluni aallartippoq.
Illit isummannik ilanngussisinnanngorlutit peqataanissannut kajumissaarneqarputit, taamaalilluni periusissiornermi tunngavissaqarluarnissamik pilersitsisoqarsinaalissammat. Nuummi innuttaasumik ataatsimoortitsisumik peqataatsitsilluni kajumisitsillunilu illoqarfiup takorluugaaneranik ingerlarnissaanillu periusissamik pilersitsitsinissaq anguniarneqarpoq.
Quppernermi uani periusissiornermi suliaq malinnaavigisinnaavat. Tassani atuarsinnaavat qaqugu qanorlu suliamut taaassunga peqataatinneqarsinnaanerlutit. Maajip 7.-aniit juunip 3.-anut ilaatigut Nuuk suli najugaqarfigalugu pitsaanerunissaanut qanoq isumaqarnesutit immersuillutit misissuinermi peqataasinnaavutit
Suliamik ingerlatsinissat
Kick-off: Illoqarfiit pingaarnersaat 2025-p tungaanut qanoq ineriartortinneqassava?
Nuuk 2035 – Ataatsimoorluta siunissarput
Nunatsinni illoqarfiit pingaarnersaat 2035-p tungaanut qanoq ineriartortinneqassava? Illoqarfiit pingaarnersaat pillugu periusissiaq nutaaq pillugu suliaq annermik paasisaqarfigiartoruk, illoqarfiullu siunissaa pillugu illit nammineq sunniuteqaqataagit.
Kommuneqarfik Sermersuumit Nuuk pillugu periusissiamik nutaamik imartuumik suliaqarluni aallartitseqqammerpoq tassungalu piumasaqaataavoq inuiaqatigiinni assigiinngitsunit suliaqartunik qaammatini aggersuni peqataasoqarnissaa.
Nuup 2035-mut periusissiamik aallartitsinertut Kommuneqarfik Sermersuup Borgmesteria Avaaraq Olsen, Nuummi innuttaasunut tamanut aaqqissuussamut ammasumut qaaqqusivoq.
Ikinngutitit ilaquttatillu ilagalugit Katualiarit eqqarsaatitit isumatillu uagutsinnut avitseqatigiissutigalugit:
Katuap inersuaraani Paarlersuarmilu
Sisamanngorneq 11. apriili nal. 16.00 - 18.00
- Nuuk pillugu nuummiunit oqaluttuat
- Nuup siunissaa pillugu illit isummiussannik allattuisinnaavutit
- Kimmernaq Kjeldsen aamma Frederik Elsner nipilersornerat
- Nuuk pillugu meeqqanut inersimasunillu eqqugassartalimmik unammisitsineq
- Kaffi, tii aamma kaageqassaaq
Takunissannut qilanaarpugut!
