Kulturi tamanut
Kommuneqarfik Sermersooq nutaamik Kulturi pillugu politikkeqalissaaq. Politikkissaq pillugu siunertaavoq, eqqumiitsuliornerup silarsuaata aammalu kulturip sumut ineriartortinneqarnissaa pillugu anguniagassaqarnissaq tamatumanilu qanoq ililluta tassunga anngussinnaanitsinnut tunngavissaqarnissarput.
Ilinnut innuttaasutut suut pingaaruteqarnersut paasisaqarfigerusullugu qinnuigivatsigit, kulturikkut misigisassat suut misigisimaneritit avitseqatigilaassagitsigut, taakkulu qanoq ilinnut pingaaruteqarnersut. Saniatigut kommunitsinni kulturip qanoq ineriartortinneqarnissaa pillugu neriuutigivarput takorluugaqartutit imaluunniit isumassarsiaqartutit.
Akissutigisatit Kommuneqarfik Sermersuumi Kulturi pillugu politikkissamut ilanngunneqassapput.
Suliamik ingerlatsinissat
Apersuinikkut immersuineq
Innuttaasut tamarmik kommunip kulturikkut neqeroorutaannik atuisarnerat pillugu apersuinikkut immersuilluni misissuinernut naatsunut kiisalu pitsanngorsaanissamut siunnersuuteqarnissamut peqataaqquneqarput.
Kinaassutsit taanngikkaluarlugu akissuteqarsinnaavutit. Kulturikkut misigisaqarnissamut tunissutisinissamut unammeqataarusukkuit, misissuinerup naammassinerani e-mailit allassavat. Ajugaasoq 2024-mi aggustip ulluisa 12-ianni e-mailikkut attavigineqarumaarpoq.
Akissutigisatit Kommuneqarfik Sermersuumi Kulturi pillugu politikkissamut ilanngunneqassapput.