Paasissutissiilluni ataatsimiinnissaq: Suliniutissatut siunnersuut Nuussuarmi lnuusuttunut aamma Utoqqarnut inissiat

Suliniutissatut siunnersuut - Nuussuarmi Inuusuttunut inissiat aamma Utoqqarnut inissiat pillugit tusagaqarusuppit? Pilersaarusiaq pillugu paasissutissiilluni ataatsimiinnermut peqataagit.

Katuami kammagiit inaanni pingasunngorneq oktobarip ulluisa pingajuat nal. 16.30-18.30 ataatsimiissapput.

Pilersaarusiamik taassumunngalu siunnersuisut pilersaarusiat pilugit oqaluttuassapput, tassungalu tunngasunik Kommuneqarfik Sermersooq pilersaarusiornermut inatsit aamma pilersaarutinut qinnuteqaatinut inatsit atuuttoq qanorlu ingerlasarnera pillugu ilisimatitsissuteqassalluni.

Tamassuma kingorna pilersaarusiaq pillugu inatsimmullu tunngasut pillugit apeqquteqarnissamut periarfissaqassaatit.

Ataatsimiinneq Kommuneqarfik Sermersuumi Illoqarfimmik Inerisaanermut Immikkoortortamit aaqqissuunneqassaaq.

Aaqqissuussaq oqalutseqarluni ingerlanneqassaaq.

Nuussuarmi pilersaarummut siunnersuut Inuusuttunut aamma Utoqqarnut inissiat

Sanarfinermut Avatangiisinullu Ingerlatsivik Inibyg ApS-imit pilersaarummut qinnuteqaammik tigusaqarpoq. Inuusuttunut inissiat 120 aammalu utoqqarnut inissiat 65 kiisalu illu ataatsimoorussaq immikkuualuttuni 3C2, 3C5 aamma 3D1 sanaartornissaat kissaatigineqarpoq. Sanaartornissamik qinnuteqaateqartut ilanngullugu kissaatigaat aqqusineq Siaqqinneq allanngortillugu aqqusernit Peter Thorup Høeghip Aqqutaa, Nuussuaq aamma Siaqqinneq kaajallattarissamik imminnut ataneqalernissaat.

Pilersaarut pillugu annertunerusumik paasissutissanik pissarsiniarnermi kiisalu tusarniaanermut akissutinik nassiussiniarnermi kommunip tusarniaanermut nittartagaa.