Nuummi qimminik aneerussisarfik
Uumasut Nuummut pissunneqartartut amerliartorput qimmilli amerlanerpaajullutik. Ukiuni kingullerni saaffiginnissutit arlaqalerput, tamakkulu maani Nuummi qimminut aneerussisarfik kissaatigaat. Qimminik aneerussisarfeqarneq arlalitsigut pitsaaquteqarpoq, taaneqartariaqarporlu ingammik, qimmit qimminik aneerussisarfimmi pituutaqaratik ungalullip iluani pangalittarsinnaagamik, taamaasillutik qimminut ersituunut akornutaasinnaanatik.
Qimminik aneerussisarfik maanna Nuummi akuersissutigineqarpoq ataanilu nunap assigani sumi inissisimanera takusinnaavarsi. Inissisimaffik taanna toqqarneqarpoq, tamatumami eqqaa qimmiutilippassuit qimmiminnik pinnguartitsiartorlutik sapaatip-akunneranut naapittarfigereerpaat. Inissisimaffissaatut siunnersuutigineqartoq pillugu qanoq isumaqarfiginerissi oqaaseqaatisi tusarusuttupilussuuagut. Taamaattumik inissisimaffissaa matuma ataani like-rsiuk imaluunniit oqaaseqarfigisiuk.
Aamma qimminik aneerussisarfissatut allamik ilissi siunnersuutissaqarussi periarfissippatsigit. Siunnersuutissarsi uumap ataani nunap assinga toorlugu nalunaaqutserlugu siunnersuuteqarsinnaavusi. Pereerpat periarfissaalissaaq tuugassaq ”Send dit høringssvar”. Siunnersuutivit inissisimaffia atseruk aammalu sooq taannarpiaq qimminik aneerussisarfissatut pitsaanerpaajusoq allaaseriuk.
Imaassinnaasoq siunnersuutit nunap assinganiittoq allanit siunnersuutaareersoq, taamaappat like-ruk imaluunniit pitsaanerpaatut isumaqarfigineranut oqaasertaleruk!
Inissisimaffissaatut siunnersuutitta tamanit atuarneqarnissaa qilanaarutigeqaarput, aammalu ilissi nammineq allami qimminik aneerussisarfissamik siunnersuuteqarussi takunissaannut!
Suliamik ingerlatsinissat
Tamanut ammasumik tusarniaaneq
Tusarniaanerup tassunga killinnerani ulIuni marsip 22-anit sapaatip-akunneri sisamat apriilip 19-ata tungaanut qimminik aneerusisarfiup inissisimaffissaa oqaaseqarfigineqarsinnaavoq, likerneqarluni delerneqarlunilu.
Inissisimaffissaa ataaseq siunnersuutigaarput, taannalu paaserusupparput qanoq iginerissi.
Aamma illit nammineq allamik ataani nunap assingani siunnersuuteqarsinnaavutit. Ataani nunap assinga toorlugu siunnersuutissat nalunaaqutsersinnaavat. Pereerpat periarfissaalissaaq tuugassaq ”Send dit høringssvar”. Siunnersuutivit inissisimaffia atseruk aammalu sooq taannarpiaq qimminik aneerussisarfissatut pitsaanerpaajusoq allaaseriuk.
Imaassinnaasoq siunnersuutit nunap assinganiittoq allanit siunnersuutaareersoq – Taamaappat likeruk imaluunniit pitsaanerpaatut isumaqarfigineranut oqaasertaleruk!