Nuummi Apummik Ilusilersuineq – Assiutinnik avitseqatigisigut!

*Unammisitsineq taamaatippoq. Ajugaasoq attavigineqareerpoq.*

Ukioq manna Nuummi Apummik Ilusilersuinermi assiliisartuuvutit!

Ilusilersuineq ukioq manna 2022 Nuummi marsip 3-anit 6-anut ingerlanneqatussami apummik ilusilersukkat kusanartorsuit qiimmassaqatigiinnerlu misigineqarsinnaapput. Aaqqissuussaq nuannersunik misigisaqarfiulluartarpoq aammalu assigiinngisitaartunik katersuuffiulluartarluni, isumassarsiullaqinneq nuannisaqatigiinnerlu piusarlutik. Tamanna kommunip tungaanit assilisanik takussutissaqartinneqarusuppoq – neriuppugullu ikiorumaaritsigut!

Nuummi apummik ilusilersukkanik assiliigit uanilu quppernermi avitseqatigisigut.

Assimik uploaderiguit makitsinermi peqataasinnaavutit Ipad-imillu pinnallutit.

Makitsinissamut assit atorneqartussat amerlanerpaamik pingasuusinnaapput.

Suna assilissanerlugu nammineq aalajangissavat. Piumasaqaat tassatuaavoq illit nammineq assilisarigit, aamma apummik ilusilersukkanut tunnganissaa. Ilusilersuisoqarnerani susoqarneranut tunngasinnaavoq, apummik ilusilersukkat piareersut assingi imaluunniit arlaat.

Aamma allat assilisaat takusinnaavatit ’like’-rlugillu.

Kommunimit assinik toqqaasoqassaaq nittarsaanermilu ilaatigut atuagassiani Facebook-imilu atugassanik.

Illit Nuummi apummik ilusilersuineq pillugu assilisatit takutikkusuppigit?

1. Quppernerup qulaani talerpiup tungaani iserfissami atuisutut pilersitsigit.
2. Assimik ikkussigit una toorlugu ”Ilanngussaqarit” .
3. Asseq taaguuseruk naatsumillu allaaseralugu.
4. ”Nassiuguk” tooruk.

Assimik ikkussininni peqatigitillu makitsinermi Ipad pinnattaarisinnaavat. Makitaasoq mailikkut attavigineqarumaarpoq.

Eqqaamallugu makitsinermi assit pingasut atorlugit peqataasinnaagavit. Assit pingasunit amerlanerusut nassiussinnaanngilatit.

Assimik nassiussitinnak, una allakkiaq pisinnaatitaaffinnut inummullu paasissutissanut tunngasunik imalik atuaqqaaruk.

Apeqqutissaqaruit ikiorneqarnissarluunniit pisariaqartikkukku uunga mailersinnaavutit kommuneqarfiga@sermersooq.gl-imut allannissassinnut tikilluaqqusaavusi.

Nuummi apummik ilusilersuineq pillugu uani atuarsinnaavutit: https://snow.gl/ aamma https://www.facebook.com/nuuksnow/