Paamiut 2036
Paamiut illoqarfiata ukiuni aggersuni ineriartortinnissaanut siunnerfileeqataasussaq illoqarfimmut periusissaq nutaaq Kommuneqarfik Sermersuumiit suliarineqaleruttorpoq.
Tamatumunnga atatillugu innuttaasunik najukkamilu sulisunik ilaatigut septembarimi kommunalbestyrelsip tikeraarneranut atatillugu oqaloqateqarlualereerpugut. Siunnersuutigineqartut naleqarluarput suleriaqqinnissamullu tunngavissiilluarlutik.
Maanna suli allanik tusaqqikkusuppugut. Ullumikkut Paamiuni inuunissi qanoq misiginerissi tusarusupparput – aamma illoqarfiup siunissami ineriartortinnissaanut qanoq kissaateqarnersusi isumassarsiaqarnersusilu.
Taamaattumik innuttaasut tamaasa kaammattussavagut apersuinermi immersugassamut peqataaqqullugit. Tassani apeqqutit sukumiisut akissuteqarfiginissaannut taavalu nammineq eqqarsaatisi siunnersuutisilu allattornissaannut periarfissaqarpusi.
Apersuinermi immersugassaq pappialanngorlugu atorusunnerugukku, Innuttaasunik Kiffartuussivimmut aaneqarlunilu tunniunneqarsinnaavoq.
Suliamik ingerlatsinissat
Angusat misissoqqissaarlugit
Apersuilluni immersuinermit inernerit misissuiffigeqqissaarpavut aamma innuttaasuniit, suleqatigisartakkaniit soqutigisaqaqatigiinniillu siunnersuutit pissarsiavut ilanngullugit Paamiut illoqarfianut periusissiassap ilusilersornissaanut atugassaapput.