Aqqaluks Park
Aqqaluup Aneerasaartarfiata pitsanngorsaavigineqarnera
Aqqaluup Aneerasaartarfiata (Aqqaluks Pladsimik taaneqartarnikuusimasoq) pitsanngorsaavigineqarnera 2012-imi aasap aallartinnerani aallartinneqarpoq, illoqarfimmiunillu peqataatitsineq taamani siullertut ingerlanneqarluni. Taamaalilluni soqutigisaqaqatigiinnik ataatsimiisitsinernik workshoppertitsinernillu arlalinnik ingerlatsisoqarluni, aammali inatsisartut ataatsimiittarfissaanik sanaartortoqarsinnaanera Inatsisartut 2013-imi saqqummiummassuk innuttaasunik akerliussutsimik takutitsisoqarneranik kinguneqartitsilluni.
Kommunimut pilersaarut 2032-mi Aqqaluup Aneerasaartarfia qitiutinneqartussatut toqqarneqarpoq, aamma tamakkiisumik pilersaarummi uani Aqqaluup Aneerasaartarfia sukisaarsaarfissatut attatiinnarneqarnissaa sulissutiginiarneqarluni.
2019-imi aasakkut soqutigisaqaqatigiit kingullermik workshoppertinneqarnerani piukkunnaateqarsinnaasut arlallit ersarissipput, tassunga ilanngullugu pitsaanerusumik qullilersorneqarnissaa, piffissami aalajangersimasumi aaqqissuussinissamik periarfissaqartitsisoqarnissaa (pop-up arrangementer) aamma kulturimut tunngasunik ingerlatitseqqiinissaq, eqqissisimaarfiusinnaasunik pitsanngorsaaneq, timersorfiusinnaasunik periarfissaqartitsinissaq, pisuinnaat aqqutaannik annertusaaneq aamma issittumik naatsiiviliornissamik periarfissaqartitsineq.
Siunnersuutitit tusarusuppagut
Aqqaluup Aneerasaartarfianik pitsanngorsaasoqarneratigut sumiiffimmi nalilinnut pioreersunut annertusaataassaaq, peqatigitillugulu illoqarfimmiunut iluaqutaasumik pitsaanerulersitsisumillu immikkoortunik nutaanik pilersitsisoqassalluni.
Suliaq aallartereerpoq, tassungalu atatillugu sumiiffimmut siunnersuutissatit tusarusuppagut. Innuttaasut allat "like"-risinnaapput, oqaaseqarlutik, isumassarsianullu iluarisaminnut isumaqataanertik ersersissinnaallugu.
Nammineq isumassarsiannut qisuariaatit malinnaavigillattaarsinnaavatit, taamatullu innuttaasut allat siunnersuutaat oqaaseqaataallu malinnaavigisinnaallugit. Suliniutip immikkoortuisa assigiinngitsut ingerlanerat malinnaavigisinnaavat, paasiniarsinnaallugulu siunnersuutit sorliit piviusunngortinneqarnissaannut ilimanarsiartornersut.
Nuummi innuttaasut kissaataat malillugu anersaartorfittullusooq ittumik sukisaarsaarfissaqarnissamut isumassarsiatit naggataatigut iluaqutigineqassapput - isumassarsiat annertuuliassaanatillu akisuallaassanngillat. Atulersikkuminartuussapput, soorunalumi aamma kommunitsinni innuttaasunut amerlanerpaanut iluaqutaassallutik.
Sumiiffimmi piukkutatsinnik allaaserinninnerput atuaruk:
Suliamik ingerlatsinissat
Tak for dit input til helhedsplanen for Aqqaluks Park!
Aqqaluup Aneerasaartarfianut tamakkiisumik pilersaarummut isummersuutinnut qujanaq!
– tusarniaaneq maanna naammassivoq, tamakkiisumik pilersaarutip nutarterneqarnerani aneerasaartarfiup inissisimaneranut atorneranullu isummersuutit isummallu nutaat arlalissuit ilanngutissavagut, soorlu aamma isumassarsiat nutaat misissussagivut isumassarsiallu tamakkiisumik pilersaarummi piviusunngortinneqarsinnaasutut nalilerneqartut ilanngutissallugit.
Tamakkiisumik pilersaarutip inaarutaasumik saqqummiutinnginnerani inaarutaasumik tusarniaasoqaqqissaaq, tassanilu pilersaarutip imarisaanut inaarutaasumik akerliliissuteqarsinnaassaatit. Pilersaarutip immikkoortuata tullianut suli piffissaliisoqanngilaq, ullulerneqariarpalli maani nalunaarutigineqassaaq.
Qujanaq ikiuukkavit,
Kommuneqarfik Sermersooq
Upcoming and ongoing events
Past events
Event date: august 20., 2020 from 16:00 to 17:30.
Holms hus