Kommuneqarfiga

Kommuneqarfik Sermersuumi aaqqiissutit pitsaanerpaat ujartortuarpavut. Illillu innuttaasutut suleqatigalutit tamatuma angusinnaanera upperaarput.

Taamaattumik suleqatigiinnissarput annertusarusupparput aammalu illit Kommuneqarfik Sermersuumi innuttaasutut kommunitta ineriartorneranut peqataasinnaaninnut periarfissatit annertusarusullutigit.

Politikkikkut suliat ingerlanneqarneri ersarinnerulersinniarlugit, innuttaasutullu peqataanissamut nutaanik periuseqarniarnikkut, ’Kommuneqarfiga’ - internetti atorlugu innuttaasunik peqataatitsinermut atortorissaarut - kommunip nittartagai periusaalu allat tapertaqartinniarlugit pilersinneqarpoq.

‘Kommuneqarfiga’ tassaavoq internettikkut peqataatitsinissamut periarfissiissut, ilaatigullu illit peqataatinneqarnikkut isumassarsiatit, tunniussinnaasatit siunnersuutissatillu illoqarfigisanni, nunaqarfigisanni imaluunniit kommunerisanni sammisanut suliniutinullu attuumassuteqartunut tunngatillugu avitseqateqarsinnaavutit – qaqugukkulluunniit aamma sumiikkaluaruilluunniit!

Kommunitsinni ineriartorneq tikkuusseqataaffigerusuppiuk? Atuisutut nalunaarsortigit tusaaneqarnissanullu periarfissat atorluaruk!

Google-mi imaluunniit Facebookkimi kontut atorlugu atit e-mailillu ilaatillugit isersinnaavutit.

Apeqqutissaqarpit? Attavigiuk: kommuneqarfiga@sermersooq.gl